التأمينات والمعاش

السلام عليكم انا عندي بس اسئلة بخصوص المعاش اولا هو الاب متوفي واحنا كأسرة 4 اشخاص الوالدة وولدين وبنت المهم عرفت ان احنا عشان نعمل المعاش لازم نعمل اعلام الوراثة وعشان نعمله لازم يكون في وصاية علي الولد الصغير هو 15 سنة وطالبين للوصاية الحاجة بتاعت الجد مش الاب المشكلة ان احنا معناش اي ورق كل الورق مع اخ المتوفي اخ الاب و الجد معندوش غير مصنع ملابس جاهزة بس المصنع دة صغير قوي ويدوي كمان مفيش عمال واللي بيشتغل في المصنع دة هو الاب واخوه وللاسف كانوا بيشتغلوا من الباطن عشان عليهم ضرائب جامدة اوي وكمان عملوا اغلاق فا بيشتغلوا من الباطن فا عشان كدة هو مش راضي يدينا ورق عشان عشان المجلس الحسبي هيعرف انه بيشتغل من الباطن وهيبقي فيها حبس اصل المصنع دة هو اللي عليه التأمينات فا الوصاية واقفة فبالتي اعلام الوراثة فالمعاش واقف دة غير ان الاب ما كنش بيدفع للتأمينات لاكتر من 10 سنين فا انا بس عايز اعرف ايه الحل عشان نعمل اعلام الوراثة والوصاية عشان نعمل المعاش