التسجيل
facebook
السلام عليكم ورحمة الله وبركاته
حبيت استفسر
زوجي موظف حكومي راتبه 10 الاف بالاظافة الى انه يشتغل تجاره حره خاصه فيه
وجدا ميسور من ناحية تجارته الحره
وهو الحمد لله غني لكن جدا بخيل علي وعلى بناته
عندي منه بنتين
الاولى عمرها 3سنوات
والثانية عمرها شهرين
وانا دايم في مشاكل معه بسبب بخله
بس يقتصر انفاقه علينا المأكل والمشرب وحتى الكسوة يجيب لنا اردى وارخص الملابس اسعارها القطعه على 5 و10 ريال وان صار كريم استغفر الله جاب ملابس
على 20 ريال وجدا رديئة من ناحية الجودة
ويقول خلاص هذا واجبي لا تطالبوني باكثر من كذا!!!!
ومع ذلك ظالم والله ظالم يعطي اهله واقاربه بالالوف من نفسه واذا طلبه احد مايقول لا!!
حسبي الله ونعم الوكيل والله يرفع عني الظلم
واصدقائة بعشرات الالوف سلف ما يقول ما اقدر!!؟؟
وحاولت معاه انه يعطينا مصروف شهري عشان ارتاح من المشاكل معاه لما نروح اي مكان مول او سوبر ماركت بنشتري حاجه لكن ماهو راضي
والله بعض الاحيان مانطلع من المول الا وانا ابكي من القهر ونتناقش انا وياه نقاش حاد كل شي من الملابس يتعدى سعره 100 ريال يرفض يقول غالي!!
انا ابغى ارفع عليه شكوى بالمحكمة وتقرر لي منه نفقه شهريه لي ولبناتي تلزمه بها حتى ارتاح وما ينقص بناتي شي ابدا
والله بنتي الصغيره تبي العاب مسكينه تتعذب و تبكي لما نكون بالمول عشان لعبة ب10 او 20 وهو يرفض ليش؟؟ يقول لا غااااليهّّ!!!
اه ياقلبي والله اتعذب علشانها وتنزل دمعتي غصب علشانها
حتى اغلب الالعاب اللي عندها من امي تشتريها لها حتى ماتحس بفرق عن اخواني الصغار
حتى سرير تنام فيه ماعندها
والصغيرة اللي عمرها شهرين جاب لها ملابس داخلية اللي هي بربتوزات حتى ملابس ماجاب لها ولا عندها الا ملابس جابوها لها الناس هدايا لاني كنت نفاس ولسى والدة فيها
واذا قلت له خلينا نروح نجيب لها يرفض ويقول لا انا بروح اجيب لها انتي ماتروحين وهو بيجيب لها ملابس رخيصة و رديئة من ناحية الجودة والصناعه ومايبني اروح معاه
لاني راح ارفض يجيب لها مثل هالملابس الرديئة وبكذا راح اكون بالنسبة له مشكلة
والله حتى البيت مقصر فيه اغلب الاشياء فيه خربانه وهو عادي بالنسبة له لامبالي لاخر حد
بس انا بصراحة مقصرة بالبيت لكن مو بارادتي
غصب عني لان فيني فقر دم شديد حيييل اتعب واشحن بسرعه
غير مسؤلية البيت مسؤلية بناتي اتعب
والله لو احكي من اليوم الى بكره ما راح ينتهي كلامي
ووالله اني مكتشفه عنده مليون بس عراقيه ومخبيها عندي بالبيت اكتشفتها بالصدفه
بس الخلاصة:
لو اشتكيته بكم تحدد لي المحكمة نفقة شهرية منه لي ولبناتي شهريا؟؟ من راتبه اللي هو 10 الاف مثلا من دون تجارته الحره
وهل من حقي ان اطالب بتوفير خادمة لي لاني مريضة بفقر الدم؟؟
والاسواق السعودية الله يعطيكم العافيه كم الاسعار المعقولة فيها المتداوله بحدود العرف المنتشر بين الناس بالنسبة للتي شيرت والتنورة والجنز والاخذيه والشنط؟؟
لانه دايم يقول باشتري لك حسب العرف!!!ب10 او20 ريال والله عجب وهو غني
والله يرفع عني الظلم اللي انا فيه يارب
والله يعطيكم العافيه
ارجو الرد باسرع وقت
ودمتم
