استفسار قانونى بخصوص توريث الايجار القديم

احنا اسرة مكونة من اب وام وبنتين وولد كنا عايشين مع بعض فى شقة ايجار قديم بالقاهرة باسم والدى ..( تاريخ تحرير العقد 73 ومذكور فيه لفظ مشاهرة )
اختى الكبيرة تزوجت فى حياة والدى ووالدتى فى مسكن خاص لها مع زوجها ...
ثم توفى والدى فى مارس 2005 وطلع وصل الايجار باسم ورثة المرحوم والدى وفضلت انا واختى الثانيه ووالدتى مقيمين فى الشقة ..
ثم تزوجت اختى الثانيه فى مسكن خاص لها ايضا مع زوجها ( بعد وفاة والدها وفى حياة والدتها ) ...
و فضلت انا ووالدتى مقيمين فى الشقة الى ان توفيت والدتى فى مايو 2009..
وفضلت انا لوحدى مقيم فى الشقة حتى الان ومازال الايصال بيطلع باسم ورثة المرحوم والدى ...

عرض على صاحب العمارة شراء الشقة تمليك فاشتريتها باسمى عشان اتزوج فيها باذن الله من مالى الخاص عاوز حاليا اجرها لظروف خاصة بى اخواتى عاوزين يطعنوا فى العقد ويفسخوا العقد بحجة ان صاحب العمارة باع لى الشقة من وراهم ولم ياخذ منهم تنازل عن حقهم فى الشقة او بيدعوا انى رضيت صاحب العمارة بمبلغ عشان يرضى يكتب العقد ويتغاضى عن حق اخواتى فى الشقة وطبعا هذا لم يحدث اطلاقا والله شاهد على ما اقول وان اختى الثانيه اللى تزوجت فى حياة والدتى عاوزه تدعى انها كانت مسافرة ورجعت بحجة ان عنوان بطاقتها على نفس عنوان الشقة حاليا بتاعت والدنا لانها لم تقوم بتغير العنوان الى محل ساكنها المتزوجة فيه حاليا ولم تطلع بطاقة عائلية منذ ان تزوجت مع العلم ان وثيقة الزواج بتاعتها مكتوب فيها عنوان المسكن اللى هى عايشه فيه حاليا وكذلك شهادات ميلاد اولادها ومدارسهم فهل يجوز الطعن فى هذه الحالة وفسخ العقد ..علما ان تاريخ وفاة ابى مارس 2005 وامى مايو 2009 ... ولمن يمتد عقد الايجار بعد وفاة والدتنا رحمها الله ..

ثانى حاجة عاوزين حقهم الشرعى فى الشقة بمعنى لو انا بعتها ياخذوا هما النصف وانا النصف وكذلك بالنسبه للايجار لو اجرتها ياخذوا هما النصف وانا النصف فايه راى حضرتكم فى الكلام ده من الناحية الشرعية هل ليهم حق شرعى عندى فرض على بعد ما امتلكت الشقة من اى نوع ... نسيت اذكر حاجة ان العقد اللى معايه حاليا لم يذكر فيه ان الشقة كانت ايجار قديم فهل هناك ضرر من عدم ذكر ذلك مع العلم انى عملت صحة توقيع فقط على العقد ...

شكرا يا استاذ هشام جزاءاك الله كل خير

يس للاسف الرابط لم يظهر

شوفته يا استاذ هشام بس فى شى انا مش مستوعبه مش الامتداد لمرة واحدة يعني أن الايجار لا يمتد إلى أحفاد المستأجر الأصلي ولكنه يمتدّ إلى الزوجة والأولاد المقيمين مع المستأجر الأصلي قبل وفاته يعنى بمعنى اصح الجيل الاول فقط للمستاجر الاصلى انا نفسى افهم النقطه ده

معلش يا استاذ هشام ارجو ان يتسع صدرك لاسئلتى

فى حالة عمل الانذار لتحديد مين المستفيد بالامتداد القانونى لعقد الايجار بعد وفاة والدى بالتاكيد هيكون والدتى وانا واختى الثانيه صح كدا طيب بعد زواج اختى الثانيه وانتقالها لمسكن زوجها ووفاة اختى مين هيكون ليه الحق فى امتداد عقد الايجار

هناك استفسار اخر عرفت من اكثر من واحد ان اخواتى لا يجوز لهم الطعن فى عقد البيع لانهم ليسوا اطراف فيه فهل الكلام ده مضبوط وعموما هل هناك مده معينه يسقط بعدها الطعن فى عقد البيع واسف جدا لازعاج حضرتك مره اخرى ولك جزيل الشكر