مشكلتى شقتى

انا متزوجه من عشر سنوات وعندى طفلين 9و4 سنين المشكله من حوالى اسبوعين حصل مشكله كبيره بينى وبين جوزى وكنا حنتطلق بس شرط عليا اكتب له الشقه علشان نكمل مع بعض الشقه دى والدى هو اللى واهبها لى انا دلوقتى عاوذاه يرجع لى الشقه وهو بيقولى اكتب له ربع الشقه علشان يرجعهالى طبعا انا روحت معاه بالغصب عند صاحب العقار وتنازلت لصاحب العقار عن الشقه وهو باعهاله وكتبت اقرار بالتنازل على ظهر العقد والمقاول كان متضايق قوى علشانى وبيقولى ازاى دى شقتك وانا مش قادره اعمل حاجه انا ماعنديش اخوات رجاله كلنا بنات ووالدى لو عرف حاجه زى دى ممكن يموت اعمل ايه هل ينفع اتنازل لوالدى عن الشقه فى الشهر العقارى بس انا معايا صوره العقد القديم بتاعى مش الاصل عاوذه اضمن حقى ارجوك انقذنى انا واولادى

من فضلك انا كنت باعته استشاره ولحد دلوقتى ما ردتش عليا انا عاوذه اتصرف قبل ما جوزى يبيع الشقه لحد هل ينفع اتنازل لوالدى عن الشقه بصوره العقد بتاريخ 5\1\2012 يعنى ممكن اكتب ان اصل العقد فقد منى واكتب اقرار واتنازل لوالدى عن العقد وهل حيتسجل بالتاريخ القديم ولا لا من فضلك عاوذه الرد سريعا

شكرا يا استاذ هشام على الرد بس انا مش حقدر اكلمك لان جوزى حيعرف الارقام وحدخل نفسى فى مشاكل وانا مش ناقصها لو فى رقم عادى ممكن اتكلم المهم انا تاريخ العقد بتاعى كان يوم 5\1\2012 وهو كتب العقد بتاعه يوم 9\1\2012 مع انه كتب العقد اصلا يوم 23\10\2013 بس هو قاصد يكتبه بتاريخ قديم يعنى انا دلوقتى فرصتى فى 3 ايام فقط ياريت حضرتك تقولى اعمل ايه بالتفصيل وخصوصا انى مش معايا غير صوره العقد حينفع اتنازل واقول انا الاصل فقد طيب مش حيسألونى ليه ما اتنازلتش من ساعه شهر 1 يعنى اشمعنى دلوقتى واقول ايه لوالدى انا مش حقدر اقوله حاجه وعلى فكره انا عامله لوالدى توكيل عام شامل هل ينفع يروح لوحده الشهر العقارى ولا لازم انا اروح معاه معلش انا ضايقتك بس انا فعلا مش عارفه اعمل ايه انت مش متخيل جوزى ممكن يعمل فيا ايه علشان الفلوس ومصلحته اصله ضابط انانى جداوهو مش بيخلينى انزل وبحس انه بيراقبنى وانا عاوذه اخلص الموضوع بسرعه من غير مايحس انا فى منطقه ميامى اروح اى فرع والبساعه كام علشان انا وقتى ضيق لانى حنزل من وراه بس هو انا كده حبقى مزوره وممكن يحبسنى ارجو الرد سريعا

معلش يا استاذ هشام انا ضايقتك بس انا محتاجه لمساعدتك ضرورى خصوصا انى مش قادره اقول لحد انا عملت ايه طبعا حضرتك مقدر واناتعبت نفسيا خلاص بسبب انه بيساومنى انا غلطانه كنت فاكره انى بشترى راحه عيالى بس للأسف انا ذليت نفسى لواحد مش بيرحم منه لله

شكرا يا استاذ هشام وانا اسفه انى ضايقتك