ارجو الافاده

السلام عليكم ورحمة الله وبركاته لو سمحت انا كنت عاوزة اسأل على حاجه وارجوا ان تكون الرساله دى سريه .. انا اتجوزت شهر 9 وجوزى سافر السعوديه بعد الجواز بشهر وانا سافرتله اخر شهر 11 حصلت بنا مشاكل الجواز المعروفه اللى فى الاول دى المهم انا الحمل كان تاعبنى شويه ومع المشاكل اللى حصلت دى طلبت منه انى انزل مصر زياره زارجع تانى لما اعدى شهور الحمل الاولى دى كمان لان امى هتعمل عمليه فقوتلوا انى هقول للناس انى نازله علشان عملية ماما لان هى ملهاش غيرى انا بنت على ولدين ووافق .. المشكله انى بعد ما جيت لقيته عاملى بلوك من على النت وبقالى 3 شهور دلوقتى وهو مبيبعتليش مصاريفى ولا حتى مصاريف الدكاتره والكلام ده وكان عمال يقول لقرايبنا ان هو هيطلقنى وكده وكلام كتير وانا لما لاقيت كده رفعت قضية نفقه اخر شهر 3 كان بقالى شهر ونص جايه لان انا بصرف من مع امى حاليا وقاعده عندها قلت حتى علشان الفلوس ترجعلى واعرف اسدلها فلوسها لان المحامى قالى انها هتجيلى من ساعة ما رفعت القضيه المهم انا روحت جلسة التسويه وهو طبعا فى السعوديه فمحدش حضر حتى من اهله
واول جلسه مفروض الاسبوع الجاى
اللى عاوزة استفسر عنه الاحسن ان المحامى يضم نفقة حمل كمان مع النفقه بتاعتى ولا يستنى لما اولد ويعمل نفقه للطفل والقضايا من النوع ده بتاخد وقت قد ايه وياترى الاحسن انى اخلى المحامى يطالبلى بال 500 جنية بتوع بنك ناصر مؤقتا ولا انهى الاحسن
وياترى هما هيعلموه بمعاد اول جلسه فى القضيه دى فو السعوديه ولا هو مش هيعرف حاجه عن القضيه الا لما ينزل .. انا بعت اخطار بجلسة التسويه على البيت بس هما مستلمهوش فهل فى معاد كل جلسه هيبعتوا على البيت ولا هيعلموه فى السعوديه ولا محدش هيعرف حاجه
وياترى المحامى يقدر عن طريق السفاره ان هو يثبت دخله ولا دى حاجه صعب اثباتها دلوقتى ؟
كمان هما مانعنى انى اروح شقتى لان انا قاعده فى بيت عيله حماتى واخت جوزى ساكنين معايا فى نفس البيت وانا حتى مش عارفه اروح فياترى انا يحق ليا انى اخد عفشى والقايمه بتاعتى من غير ما يحصل طلاق ولا مينفعش الا فى حالة الطلاق
كمان فى حاجه كمنا هو عنده السكر وده طبعا مأثر على الجواز وده مش مذكور فى الشهاده الطبيه بتاعت الجواز ياترى انا لو رفعت قضية طلاق هيبقى صعب انى اطلق

اسفه على الاطاله وارجو الاهتمام والرد والافاده

هو حاليا رافعلى نفقة مأكل ومشرب وملبس وقالى ان انا هاخد الفلوس بصورة رجعيه من يوم ما رفعت القضيه وقالى ان بعد ما اولد هيرفعلى نفقة طفل ومصاريف ولاده واى مصاريف فى الحمل بشرط اجبله روشتات وفواتير بيها وهيطالب بهيا بعد الولاده
طيب هو احسن ان هو يطالبلى بنفقة مؤقته من بنك ناصر؟
كمان هو قالى ان هما هيعلموه فى السعوديه بمعاد الجلسه ياترى ده ممكن ؟ وممكن يتأكدوا من السفاره عن مرتبه الحالى ؟
وهى نسبة الزوجه و الطفل من المرتب بتكون قد ايه ؟
وياترى انا بعد الولاده فى حالة حدوث طلاق بيكون وضع الشقه ايه لان هى فى بيت عيله والبيت بأسم حماتى ؟

يعنى ايه تمكين ؟ وياترى فى حالة التمكين ده بيكون من حقى ابيع او أأجر الشقه لحد لأن هيبقى من الصعب عليا اعيش هناك طبعا ؟
طيب حضرتك مقولتليش ياترى هيقدر المحامى يثبت اصل المرتب من السفاره ولا عيكون صعب ؟
انا اسف لانى بزعج حضرتك معايا