أستشارة بخصوص ملكية بضاعة اشتريتها

من شهرين واحد صاحبي أقترح عليا فكرة مشروع مستحضرات تجميل (روج و بودرة و اكلادور و مسكرات .. الخ ) وقالي انه عنده المكان اللي هنبيع الحاجات دي فيه هو محل هدايا بتاع ناس يعرفهم وهو عليه الدعاية  وانا اشترك معاه برأس المال . نزلنا القاهرة واشترينا البضاعة من محل فيه كل حاجة انواع المكياج احانا مكناش عارفين هنجيب ايه بس اللي في المحل اقترح علينا الحاجات اللي نبدا بيها و كان تكلفة البضاعة دي كلها 3000 جنيه و شحناها على هنا و سعرناها واتفقنا ان فلوس المكياجات دي اما تتباع هنقسمها كل شهر بحيث انا فلوسي هترجعلي والارباح تتقسم بالنص لغاية ميتباع كله واشارك انا بألف وهو هيشارك بالف يعني كده هيرجعلي الفين غير المكسب
الشهر الاول بعنا ب 370 جنيه والارباح كانت 200 جنيه وقسمناهم علينا بالنص يعني انا اخدت والشهر التاني كان المكسب 118 وقسمناها بالنص .
المشكلة دلوقتي انه مش عايزني انزل الاسعار عشان ابيعهم وعايز نفس السعر ومش عايزنا نبيع بالجملة للمحلات بحجة انه مبيحبش التسويق وعايز البضاعة تفضل في المحل انا كده حاسس ان حقي في الحاجات دي ضاع .وعاوز فض الشركة دي .

عاوز أسأل حضرتك افض الشكرة دي ازاي بحيث اضمن حقي ولو رفض ممكن ارجع البضاعة دي بواسطة الشرطة مع العلم ان فاتورة المشتريات معايا ممكن تكون دليل ان الحاجات دي بتاعتي