صحة التوقيع

دلوقتي والدي له 2 اخوات 
واحد منهم توفي اللي هوا الكبير وفي اثناء عزاءه جدتي رحمها الله في لحظة تحسر وزعل علي ابنها 
قالت مش عايزة حاجة من ورثه ومش هاخد حاخد متنازلة عن ولاده 
وكانت التركة رصيد في البنك وسيارة وقطعة ارض زراعية وقطعة ارض مباني في مدينة الشروق 
وبالفعل زوجة عمي المتوفي وابناءه خدوها البنك ومضوها علي تنازل علي الفلوس اللي في البنك وعن السيارة  
واستلموا فلوسهم
وعملوا عقد صحة توقيع لقطعة ارض المباني في الشروق ومضي والدي وعمي علي العقد كشهود علي العقد 
وحاولت زوجة عمي انها تمضيها علي التنازل علي ورثها في الارض الزراعية وقالت لهم انها بتاكل منها عيش 
وده معجبش زوجة عمي بس ده اللي حصل 
المهم بعد فترة من اهمال اولاد عمي المتوفي لجدتهم وعدم اعطائها اي اموال حتي ولو علي سبيل مصروف الجيب 
قالت لوالدي ولعمي اللي لسه عايش انا هشتكيكم انتوا اللي خلتوني اختم لهم علي عقد البيع 
مع العلم انها مكنتش تعرف قيمة الارض دي واللي بتبلغ 85 متر 
هي عارفة انها مساحتها فقط 
بعد كده توفت جدتي رحمها الله 
ولما ولاد عمي وزوجة عمي راحوا يسجلوا الارض في جهاز مدينة الشروق عشان يبتدوا يأجروا منها 
الجهاز رفض الاعتراف بصحة التوقيع اللي جدتي عملاه لهم 
وطلبوا الورثة اللي هوا والدي وعمي عشان ييجوا يتنازلوا لهم عن الورث اللي ورثوه من امهم اللي هما ال 85 متر 

ولكن بعد سؤال اكثر من شيخ ولجنة افتاء في الازهر قالوا لنا ده حقكم وتقدروا متتنازلوش عنه 
لانه ورثكم الشرعي عن والدتكم رحمها الله من ابنها الله يرحمه 

فقولنا كده لزوجة عمي وابنائه وده اللي اغضبهم وقالوا لنا حرفيا خليكم براحتكم وهنرفع قضية والمحكمة هتحكم لنا 
ده طبعا بعد مشاكل وكدا 

السؤال بقي هل فعلا كده لو رفعوا قضية هيكسبوها وهيعترف بعقد صحة التوقيع ده ؟؟
ارجوا الرد  في اسرع وقت 

واسف علي الاطالة 
وجزاكم الله خيرا مقدما