هل للزوجه الحامل حق بمطلبتها بالتمكين بعد الوضع بالرغم من تنازلها بالتمكين من قبل اثناء فترة حملها مقابل اتفاق عرفي بالشهر العقاري مضمونه انها هتاخد بدل مسكن

السلام عليكم ورحمة الله وبركاته....
في الاول احب اعرض مشكلتي لامكانية توضيح استفساري....
انا تزوجت في شهر 11-2014 وللاسف شقتي كانت في نقس العماره اللي سكان فيها اهل مراتي وطبعا انتوا هتعرفوا باقي المأساه ...لما حبيت احافظ علي حياتي وابعد عن المشاكل اللي بدات تظهر في اقل من شهرين من جوازي بكل الوسائل المتاحه للاسف فشلت ..فشلت بالعقل وبالمنطق وبالحكمه وبالصبر وبالاصول والفشل ده كان علي اساس ان بيت اهل مراتي اللي اكتشفته مؤخرا طبعا بعد ما ادبست ان حماتي هي صاحبه الكلمه والرأي والمشوره يعني هي اللي راكبه وسايقه وان حمايه للاسف ابسط ما يقال عنه انه لامؤخذه......عارفين قصدي ايه وطبعا حماتي زرعت ده في بنتها قصدي في بناتها كلهم (الاسره دي مكونه من الاب والام واربع بنات) وطبعا انتوا عارفين ان فاقد الشي لا يعطيه يعني مشافتش احترام متبادل بين ابوها وامها ولا ثقه ولا حقوق ابوها في بيته كل حاجه ممكن تتصوروها ومراتي فعلا خير ما طبقت وصيت امها هتقولولي طبعا وانتا مشفتش ده خلال فتره الخطوبه ..والله للاسف كل اللي كنت بشوفه انها بنت مثاليه وكسوفها وخجلها وقلة كلامها راجع لتربيتها المعتدله بعيد عن اي احتكاكات او تجارب وبالنسبه للوالدين كانوا بيحاولوا يظهروا قصادي بالمظهر المتحضر الكائن في اي اسره مشرفه...المهم قولت ابعد واحافظ علي مراتي واحاول اني اقومها بالعقل واخرجها من حاجز الخوف والقلق وعدم الثقه اللي بقوا مستحوزين عليها من تربيتها بين اب وام عافانا الله جميعا من تربيتهم بس للاسف دي كانت بدايه الحرب لما فكرت ابيع شقتي واخد شقه كبيره وبعيده عن منبت السوء اللي هي كانت فيه اللي للاسف اللي اكتشفته بعد ما وقعت الفأس في الراس ..وطبعا لما عرفتهم بكده ظهرو علي حقيقتهم ان مفيش شقه هتتباع واحنا موفقناش عليك اللي عشان خاطر الشقه وانها معانا في نفس العمار بالرغم من اني كنت معرفهم قبل الجواز اني هشوف شقه تانيه واكبر بعد الجواز علي طول والمصيبه الكبيره للاسف اللهم لا اعترض انها حامل وانها كمان كانت في صفهم في كل حاجه ومحولتش تصدهم او تقف في صفي وتحافظ علي ...وطبعا وفي وسط رفضهم مخدتش بكلامهم ما انا مش هبقا زي حمايه مركوب ومليش راي ولا كلمه وطبعا عارفين بقيت السيناريو اللي بيحصل في المسائل دي راحت عملت فيه محضر في القسم ضرب وطرد وسرقه مصوغاتها الذهبيه وتبديد العقش وتقارير طبيه مضروبه عارفين دي كانت نايمه في حضني قبلها بيوم ويوم ما عملت كده استاذنتني انها هتنزل تسلم علي ناس من قريبها كانوا موجودين عند اهلها تحت وكانت عارفه اني رايح مشوار المهم لما نزلت من الشقه ابوها عمل فيلم اشبه بالخيال في العماره من صويت واستغاثات من اهل الحي وطلع خد بنته وجرها من بيتي وانا مش فوق اصلا عشان يهيئ للناس اني بضربها وبتطردها وعملوا المحضربالكدب والنفاق وبالزور وعارفين في قانونا المصري للزوجه كافة الحقوق اللي بيها باسهل الطرق ممكن تقضي علي زوجها بكل بساطه وكمان عشان هي حاضنه فالموضوع هيبقا اسهل وللاسف كل ده عشان تسهلهم امورهم للتمكين من الشقه ...المهم بعد كوارث وفضايح وافشاء كل اسرار بيتي لحظه بالحظه حتي اسرار غرفة نومنا وقله قيمه من ناس اقل مايقال عنهم فعلا حسبي الله ونعم الوكيل و اب ديوث وام معدومة الضمير بجبروت مشفتش زيه في حياتي ومنبت سوء وبنات ضحيه لتربيه قذره منعدمة الثقافه والدين والاخلاق ...وفي الاخر بعد كل ده تم الطلاق ( اللهم لك الف حمد) وخدت قائمة المنقولات بالكامل وابرئتني من كل حقوقها واتفقنا في ورقه عرفي علي بدل المسكن 100ج وبدل حضانه 100ج ونفقه طفل 300 شامله العلاج والملبس والغذاء يعني 500 ج من بعد الولاده وطبعا طلبوا حاجه نظير تاجير رحمها 200ج عارفين يعني ايه ادفع بدل تاجير رحم (كانوا بيقولولي اللي في بطنها ده مش بياكل ويشرب اعتبر انك مأجرله شقه تئويه) عرفتوا بقا مصيبتي وطبعا خليتها عملت تنازل في القسم والنيابه عن المحضر اللي عملتوا فيه وانها متنازله عن كل ما ورد بالمحضر من ضرب وطرد وتمكين في مقابل اني اعمل بما ورد بالورقه العرفي وهي دلوقتي في الشهر السادس وانا بدفع بانتظام ال200ج بس لسه مابعتش الشقه...
سؤالي هل ليها الحق في رفع تمكين تاني بعد الولاده وده في حالة عدم تمكني من بيع الشقه لحد وقتها لان الناس دي معدومة الضمير وملهاش كلمه ولا اي التزام بالعهد

يا ريت يا استاذ هشام تكتب تعليق حضرتك علي المشكلة دى
وايه الحل القانوني فى مثل هذه الحالة
لوجه الله تعالى علشان اللى عنده مشكلة زى دى نفهم ايه الحل الأمثل فيها؟؟؟؟؟
وجزاكم الله خيرا