ارجوك يااستاذ الرد عليا انا فلوسي طارت

السلام عليكم ورحمة الله وبركاته

اشتريت شقة واكتشفت ان العمارة مخالفه وجاي لها اذاله ولا هيركب لها عداد نور ولا هيركب غاز وجالس فى الشقة بالممارسه بدفع 500 جنيه لشركة الكهرباء كل 3 شهور واعلنت عن بيع لهذه الشقة وكل اللى بيجي يشوف الشقه تعجبه ولكن بيذهب وما بيعود المهم روحت لجار لي محامى قاللى ان مستحيل استرجع فلوسي بالقضايا وانه هيكلم الراجل اللى باع لى الشقه وديا ويطلب منه رد الفلوس لى بالتراضي
واستدعى الراجل اللى باع لى الشقة وقاللى ان عداد الكهرباء لو مركبش لشهر اكتوبر القادم هيرجع 50 الف جنيه فقط وقال ان مكتب المقاول اخد باقى الفلوس

وهددنى وقال لو كنت عملت قضية و وصل ليا اعلان مكنتش دخلتك العمارة

وسألته فى عمارة 100 متر يتبني عليها 13 طابق رد عليا وقال ملكش فيه وقولت له مفيش ارضية كهرباء للعمارة قاللى برده مكلش فيه

المهم انا اشتريت الشقه منه فى العقد 60 الف جنيه وكلفتها تشطيب ومفروشات فوق ال 40 الف جنيه

انا اتنصب عليا وهخسر نص فلوسي وكمان دفعت 5000 فلوس اسانسير اللى مش هيركب ابدا

ياريت يااستاذ ترد عليا انا هتجنن انا بشقى فى الفلوس وحرام اخسر نص فلوسي واكتر

وكمان اخواته ساكنين فى العماره وسمعت ان فى واحد فيهم محكوم عليه غيابيا فى قضية قتل و اخواته بلطجيه واخاف ارفض يقتلوني لانهم بلطجيه

ماذا افعل ؟؟