اسـتـشـارات قـانـونـيـه

هذا المنتدى يرحب بالمحامين و بالزوار الذين يردون طرح ‏استفسارات و نحن على استعداد على الرد على الاستفسارات و ‏الاستشارات ـــــــــــــــــــــــــــــــــ

حرصا من اسره المنتدى على كامل الاستفاده نوجه عنايه الساده الزوار ان هناك اقسام لا تظهر للزوار --- مواعيد الأتصال من الساعه الثامنه مساء الى الحاديه عشر مساء

تعلن اداره المنتدى عن تسهيل وتيسير اجراءات زواج الاجانب والاقامه فى جمهوريه مصر العربيه

اعزائى اعضاء المنتدى تم افتتاح قسم المعروضات فى اخر المنتدى تسطيع من خلاله عرض اى شىء تود عرضه للبيع او تسطيع طلب اى شىء للشراء او التوظيف و غير ذلك


    استفسار ضرووري

    شاطر

    منه الله

    عدد المساهمات : 1
    السٌّمعَة : 1
    تاريخ التسجيل : 20/07/2015
    العمر : 25

    استفسار ضرووري

    مُساهمة من طرف منه الله في الإثنين يوليو 20, 2015 3:43 am

    انا متزوجه من عشر شهور .. وزوجي امه مسيطره عليه تماما وعلي البيت كله وكل شوية تقول ده بيتي ملكيش حاجة هنا . وبتهددني بالطلاق من تالت يوم زواج لو ممشيتش حياتي زي ما هي عايزة في البيت .. وجوزي قالي عمري ما هنصرك علي اهلي حتي لو عارف انك مظلومة ومانع اهلي من زيارتي حتي أمي ولو حد منهم اتصل وهو موجود يعلي صوته ويقوللي اقفلي .. حصلت مشادة بيننا بعد شهر من الزواج وضربني وتركت البيت بعدها عرفت اني كنت حامل في الشهر الاول وبعت لهم اعرفهم اني حامل .. وكان ردهم عايزين يطلقوا ولكن وديا من دون محاكم وقالوا اني لازم اتنازل طبعا واهلي رفضوا وبعد محاولات للصلح جه صلحني بعد اربع شهور بشرط اني اعيش مع امه .. وافقت بشرط نبدأ صفحة جديدة وعفا الله عما سلف وقلت ارجع البيت واعيش واربي ابني اللجاي ... بقيت شهور الحمل في بيت زوجي لما رجعت البيت فضل جوزي كويس معايا لمدة شهر وبعدها امه كل شوية تقوله مشيها لبيت اهلها وببتدخل دايما في كل حاجة في حياتي وبتتخانق معايا لاي سبب .. وجوزي بيحكيلها عن اي شيء يدور بيننا .. وانا طبعا كل الفترة دي  منزعجة وكنت بفكر امشي  بعد ما أولد ..امه دايما تقوللي لو مشيتي بعد الولادة حتي لو في بيت اهلك 10 سنين مش هنبعتلك جنية واحد مصاريف وبناقص الولد مش عاوزينه ... ومرت الايام وولدت امي جت بيتي تاخد بالها مني بعد الولادة وتخدمني .. امه جت بعد الولادة بيومين جايبه لبس قديم بتاع ولاد بناتها .. وتقولي ده ابننا هنلبسه غصب عنك مع انها عارفه اني رفضت قبل كده اللبس القديم وشاريين جديد بس برضه بتعاند لازم تمشي كلامها .. و لما جيت اقولها جوزي قالي هديكي فلوس تجيبي لبس جديد للمولود تاني .. لعنت ابويا المتوفي وقالت لي العيب مش عليكي العيب علي جوزك ... وبتفتعل مشاكل من دون سبب وتجيب لي بلاوي واتهامات علشان جوزي يمشيني بعدها بيومين حصلت مشادة وعلي صوته علي امي وهي في البيت وبيطردنا قبل سبوع المولود .. جيت الم هدومي قالت لي مش هتاخدي حاجة وهتطلعي باللي عليكي مع العلم ان هدومى مش مكتوبه ف القايمه وقالت لجوزي طلقها و ارمي اليمين دلوقتي جوزي مردش عليها فاستنجدت بجارتي من البلكونة انهم بيطردوني ومش راضيين يدوني الهدوم .. قام جه ابوه بعدها شتم امي وطردها وقالها هضربك بالجزمة لو ممشيتيش مش هتباتي هنا انتي ولا بنتك ... لما هددناه بالمحكمه خاف شويه وقالى اقعدى ربى ابنك وامك تتطلع بره .. فقلت له طالما كده يبقى مليش دعوه بامه ومش هنزل اكل معاها تانى بعدها بنص ساعه تقريبا كنا لسه فالبيت ابوه رن عليا قالى طيب ملكيش دعوه بيها "بحماتي" وهتقعدى لوحدك ومش هتنزلى تحت فقلت لماما خلاص وماما مشيت واصلا ماما مش عايزة مشاكل لأخر لحظة ومستحمله .. وبعد ما ماما مشيت طلع قالى مش هتقعدى لوحدك الا باذنى .. تانى يوم حماتى طلعت تشتمنى الصبح وقلبت جوزى عليا وخلته يشتمنى فندهت لابن عمتى ومراته يحلوا الموضوع .. فقال لهم انا هاخدها ترتاح عند امها اسبوعين تلاته وهرجعها بنفسى ..وحمايا اكد عليه انى مش غضبانه ومحدش هيروح يجبنى من بيت اهلى .. ابن عمتى اللى هيرجعنى..وبعدها بيوم اتصل بابن عمتى وقاله عاوزين نطلق بس ودى ..انا طبعا واهلى رافضين الطلاق الودى لانه هيخسرنى كتير من حقوقى حصوصا انهم عاوزينى اتنازل وما اخدش المنقولات كامله ..ردينا عليهم بالرفض وانتظرت ف بيت اهلى 3 اسابيع وكان ابنى معايا ومحدش سال عليا منهم ولا على ابنه ..انا لسه مش بشتغل وابوه مش بيبعتله اى مصاريف ..فبعتت ابنى له لما ملقتش حد بيسال كنوع من الضغط وقبل اللجوء للقضاء يمكن يراجع حساباته وكمان لان محدش منهم بيسال على الطفل ومفيش اى رد حتى الان .. وجيت طلبت الطفل منههم بعد ما وديته ب 3 ايام وموافقوش يدوه ليا ..مع العلم ان جوزى بيشتغل وبياخد مرتب يكفينا لكن اهله دايما عايزينا تحت سطوتهم ومحسسينا بالحاجه اليهم وان المرتب مش بيكفى ..اضافه الى ذلك انى مبمسكش مصروف للبيت وحتى مفتاح البيت مش معايا طول فتره الزواج ..
    مش عارفه اعمل ايه وعاوزه اعرف هل عدم وجود ابنى معايا يضيع حقى لو اتجهت للقضاء .. وبقالى شهر ف بيت اهلى ياريت اعرف ايه الخطوات اللى اقدر اعملها والمنصوح بيها ف حالتى وايه هى حقوقى
    "بعتذر للاطاله" ولكن كانت بسبب تفصيل الشرح لايصال الموضوع بشكل افضل
    avatar
    هشام طه محمود المحامى
    المــــــديــــــر الــــــعـــــام
    المــــــديــــــر الــــــعـــــام

    عدد المساهمات : 2290
    السٌّمعَة : 45
    تاريخ التسجيل : 23/10/2009
    العمر : 32
    الموقع : هشام طه محمود المحامى 0126048438

    رد: استفسار ضرووري

    مُساهمة من طرف هشام طه محمود المحامى في الأربعاء يوليو 22, 2015 8:51 pm

    السلام عليكم
    اعتزر عن التاخر فى الرد
    حدثنى هاتفيا نظرا لطول الشرح للأجراءات
    01001189842
    01226048438
    و لا تقلى حقوقك كبها محفوظه و لكن يجب أخذ خطوات بدقه


    _________________

    الاستاذ / هشام طه محمود المحامى


    mobile / 02 - 01001189842


    email -  HESHAM_LAWYER@HOTMAIL.COM
               


      الوقت/التاريخ الآن هو الأحد أغسطس 20, 2017 12:07 am