نفقة الطفل

اطلقت طلاء على ابراء وعندي ولد عمره3.5سنة وخرجني من الشقة اللي كنت قاعدة فيها وأخد التأمين بتاعي من ورائي لان عقد الايجار كان باسمه وحاليا أقيم في بيت العائلة وقالي أنه هايديلي 300ج نفقة للولد وبيمضيني على وصل استلام نقدية عشان يضمن اني مااشتكيهوش ومضاني على ورقة اني استلمت جميع حقوقي (قائمة منقولاتي ومؤخر صداقي ونفقة متعة سنة) وهو مالوش وظيفة ثابتة وشغال على توكتوك جايبهولي بقرض شخصي على مرتبي وقالي انه هايديلي 400ج القسط.
السؤال:ايه حقوقي اللي ممكن أطلبها لحضانة الولد، وحضانة الولد لحد كام سنة، وازاي لو اتجوزت احتفظ بحضانة الولد؟ ولو رفعت عليه قضية ممكن يتحكملي بكام في الشهر؟

السلام عليكم
يا أ/ هشام كنت بقول لحضرتك اطلقت طلاق على ابراء يبقى هاخد نفقة متعة ازاي؟
وهو بيشتغل على توكتوك وأقل توكتوك بيكسب في اليوم من 150:200ج يبقى ممكن يقدرولي كام في الشهر نفقة للولد؟
وبالنسبة للبدائل اللي حضرتك بتقول عليها لو اتجوزت عشان احتفظ بحضانة الولد مع العلم إن والدتي ووالدته عايشين وهو بيتعاطي حشيش وترامادول.
وعلى فكرة أنا هامشيها ودي لو التزم بال300ج النفقة وال400ج قسط التوكتوك لاني ماضمنش ان المحكمة تحكم لي بأكتر من كده.
وفي سؤال تاني هو أنا مش من حقي أجر مسكن الحضانة لان هو خرجني من شقتي وأنا أقيم في منزل العائلة ( منزل مكون من 4أدوار ورث بيني وبين اخواتي) بس ممكن اخلي اخويا يعمل لي عقد ايجار.